AÇILMALARIN QARŞISINI ALMAQ OLARDI
“Azərenerji” SC-dən AZƏRTAC-a bildirmişlər ki, 2002-ci ilin 11 ayı ərzində Bakı şəhərində elektrik enerjisindən istifadə haqqı 50 faiz ödənilmişdir, halbuki 2001-ci ildə bu göstərici 28 faiz idi.
Mütəxəssislərin fikrincə elektrik enerjisindən istifadə haqqının bu səviyyədə ödənilməsi ilə istehlakçıların hamısını təmin etmək qeyri- mümkündür. Çünki əhali kütləvi surətdə elektrik qızdırıcı cihazlarından istifadə etdiyi üçün kabellər və transformatorlar həddindən artıq yüklənir, nəticədə 10 saata qədər davam edən açılmalar baş verir.
“Barmek” şirkətinin ekspertləri də kabellərin və transformatorların sıradan çıxmasını onların həddindən artıq yüklənməsi ilə izah edirlər.
Lakin bu il qışın belə sərt keçəcəyi ehtimalı nəzərə alınsaydı və istifadə müddəti qurtarmış trasformatorlar yeni, daha güclüləri ilə əvəz edilsəydi, elektrik enerjisi verilməsində belə böyük fasilələrin qarşısını almaq mümkün olardı.
Bölmənin digər xəbərləri
