ADDA qəbul planı yüz faiz tamamlanan 13 ali təhsil müəssisəsindəndir
Bakı, 21 iyul, AZƏRTAC
“Azərbaycan Xəzər Dəniz Gəmiçiliyi” QSC-nin (ASCO) Azərbaycan Dövlət Dəniz Akademiyası (ADDA) qəbul planı 100 faiz tamamlanan 13 ali təhsil müəssisəsindən biri olub.
ASCO-dan AZƏRTAC-a bildirilib ki, Dövlət İmtahan Mərkəzi 2023/2024-cü tədris ili üçün ali təhsil müəssisələrinin magistraturalarına əsas yerləşdirmədən sonra qəbulun nəticələri haqqında statistik göstəriciləri açıqlayıb. Dövlət Dəniz Akademiyası üzrə ən yüksək nəticə balı 92.5, ən minimal nəticə balı 45 olub.
Qeyd edək ki, 2023/2024-cü tədris ilində ADDA-nın magistratura pilləsinə qəbul üçün ümumilikdə 32 plan yeri ayrılıb. Qəbul Gəmiçilik və gəmilərin hərəkətinin idarə edilməsi, Dəniz texnikası və texnologiyası mühəndisliyi, Dəniz texnikası və avadanlıqlarının istismarı mühəndisliyi, Elektrik mühəndisliyi ixtisasları üzrə aparılıb.
Bölmənin digər xəbərləri
