ADU-da Xocalı şəhidlərinin xatirəsi anılıb
Bakı, 26 fevral, AZƏRTAC
Azərbaycan Dillər Universitetində “Xocalı harayı” adlı tədbir keçirilib.
ADU-dan AZƏRTAC-a bildiriblər ki, tədbirdə pedaqoji fakültənin dekanı, dosent Vəfa Babayeva tariximizin unudulmaz səhifəsi olan Xocalı soyqırımının universitetdə silsilə tədbirlərlə anıldığını qeyd edib. Azərbaycanda vətənpərvər gəncliyin yetişdiyini söyləyən V.Babayeva onların işğal edilmiş torpaqlarımızda üçrəngli bayrağımızı yenidən dalğalandıracaqlarına əminliyini vurğulayıb.
Filologiya və jurnalistika fakültəsinin tələbələri Xocalıya həsr olunmuş şeirlər söyləyiblər.
Xocalı hadisələrini, orada həlak olmuş insanların məruz qaldıqları erməni vəhşiliklərini əks etdirən fotolardan ibarət videoçarx nümayiş olunub.
Sonda tələbələrin iştirakı ilə Xocalı hadisələrindən bəhs edən tamaşa göstərilib.
Bölmənin digər xəbərləri
