AFFA beş klubu cəzalandırıb
Bakı, 1 dekabr, AZƏRTAC
AFFA-nın İntizam Komitəsinin növbəti iclası keçirilib.
AZƏRTAC xəbər verir ki, iclasda Topaz Premyer Liqasının XIV turunun üç qarşılaşmasında yaşanan intizam pozuntularına baxılıb.
“Zirə”-“Xəzər-Lənkəran” matçının 56-cı dəqiqəsində qonaq komandanın futbolçusu Elşən Rzazadə ikinci sarı vərəqə alaraq meydançadan kənarlaşdırıldığı üçün bir oyun cəzalanıb, üstəlik klub iki yüz manat cərimə olunub. Bundan üç dəqiqə sonra meydan sahiblərinin futbolçusu Nelson Bonilya qırmızı vərəqə aldığı üçün özü və klubu analoji cəzaya məruz qalıb.
“Neftçi”-“Qarabağ” matçında meydan sahiblərinin beş futbolçusu sarı vərəqə ilə cəzalandığı, qonaqların azarkeşləri tərəfindən isə pirotexniki vasitələrdən istifadə edildiyi üçün hər iki klub min manat cərimə ödəməli olacaq.
“Rəvan” isə eyni məbləğdə cəriməni “Qəbələ” ilə matçda 5 futbolçusunun sarı vərəqə ilə cəzalanması səbəbindən ödəyəcək.
Bölmənin digər xəbərləri
