AFFA-NIN NÖVBƏTİ İCLASI KEÇİRİLMİŞDİR
AZƏRTAC xəbər verir ki, Azərbaycan Futbol Federasiyaları Assosiasiyasının (AFFA) İcraiyyə Komitəsinin növbəti iclası keçirilmişdir. İclasda AFFA-nın növbəti konfransının çağırılması, Hakimlər və Hakim-İnspektorlar komitələrinin heyətlərinin təsdiq edilməsi məsələləri müzakirə olunmuşdur.
Aparılan müzakirələrdən sonra bu il aprelin 22-də qurumun növbəti konfransının keçirilməsi qərara alınmışdır. Həmçinin, Səyavuş İbrahimov Hakimlər Komitəsinin sədri vəzifəsinə təyin olunmuş, Rüstəm Rəhimov, Asim Xudiyev, Əli Hüseynov və Nizami Şərifov isə qurumun üzvləri seçilmişlər. Hakim-İnspektorlar Komitəsinin sədri vəzifəsinə Rüfət Rəhimov, üzvlər sırasına isə Akif Fəttahov, Kərim Ağayev, Rauf Hüseynli və Murad Məmmədov təyin olunmuşlar.
Bölmənin digər xəbərləri
