Afrika Millətlər Kuboku: Liderlər xal itirib
Bakı, 22 yanvar, AZƏRTAC
Kot-d'İvuarda təşkil olunan Afrika Millətlər Kubokunda qrup mərhələsinin ikinci turunun oyunları davam edir.
AZƏRTAC xəbər verir ki, ötən gün E və F qruplarında qarşılaşmalar keçirilib.
E qrupunun lideri Mali millisi Tunis seçməsi ilə üz-üzə gəlib. Görüş 1:1 hesabı ilı yekunlaşıb. Qrupun digər matçında isə Cənubi Afrika yığması Namibiyanın qapısından 4 cavabsız top keçirib.
F qrupunun hər iki oyununda heç-heçə qeydə alınıb. Mərakeş Konqo ilə, Zambiya isə Tanzaniya ilə 1:1 hesablı bərabərliyə razılaşıb.
Fevralın 11-dək davam edəcək Afrika Millətlər Kubokunun mükafat fondu 7 milyon ABŞ dollarıdır.
Bölmənin digər xəbərləri
