Ağacəkmə aksiyaları çərçivəsində 136 minə yaxın ting paylanılıb
Bakı, 19 noyabr, AZƏRTAC
Ekologiya və Təbii Sərvətlər Nazirliyi (ETSN) tərəfindən “Hər ailə ağac əksin” və “Bir şagird bir ağac əksin və qorusun” şüarları altında keçirilən ağacəkmə aksiyaları uğurla davam etdirilir.
Nazirliyin mətbuat xidmətindən AZƏRTAC-a bildiriblər ki, payız ağac əkini mövsümündə respublika üzrə keçirilən kampaniyalar çərçivəsində vətəndaşlara, o cümlədən məktəblərə və bağçalara, ümumilikdə, 136 minə yaxın müxtəlif növ ağac tingi paylanılıb.
Nazirlik ölkəmizi yaşıl diyara çevirmək məqsədilə keçirilən bu aksiyalarda hər kəsi fəal olmağa çağırır, vətəndaşlara ağac əkməyi, onlara qulluq etməyi və qorumağı tövsiyə edir.
ETSN, həmçinin kampaniyalarda iştirak edən və yaşıllıqların salınmasına öz töhfəsini verən hər kəsə öz təşəkkürünü bildirir.
Bölmənin digər xəbərləri
