AĞASƏLİM MİRCAVADOV: AZƏRBAYCAN YIĞMASI RƏQİBİ OLAN KOMANDALARDAN XAL ALA BİLƏR
Azərbaycan yığma futbol komandası 2010-cu il dünya çempionatının seçmə qrup mərhələsi çərçivəsində rəqibi olan bütün komandalardan xal ala bilər.
Bunu AZƏRTAC-ın müxbirinə tanınmış futbol mütəxəssisi, “Xəzər - Lənkəran” klubunun baş məşqçisi Ağasəlim Mircavadov bildirmişdir.
Baş məşqçi demişdir ki, yığmamızın yer aldığı qrupun favoritləri Almaniya və Rusiya milliləridir. Bu iki komandanı çıxmaq şərtilə, Azərbaycan komandası qrupumuzda yer almış Finlandiya, Uels və Lixtenşteyn yığmaları ilə əvvəllər də qarşılaşmışdır. Bu komandaların oyun üslubu bizə tanışdır. Amma futbolda hər şey olur. Nümunə kimi İngiltərə millisini göstərmək olar. Avropanın ən güclü komandalarından biri Xorvatiya yığmasına məğlub olaraq qitə çempionatının final mərhələsindən kənarda qalmışdır. Bu onu göstərir ki, bu gün istənilən güclü rəqibə qarşı layiqli mübarizə aparmaq mümkündür.
Bölmənin digər xəbərləri
