Ağdam rayonunda çiyid səpini başa çatmaq üzrədir
Ağdam, 29 aprel, Tahir Ağaməmmədov, AZƏRTAC
Ağdam rayonunda pambıqçılıqla məşğul olan fermerlər və torpaq mülkiyyətçiləri çiyid səpinini başa çatdırmaq üzrədirlər.
AZƏRTAC-ın bölgə müxbiri xəbər verir ki, cari ildə rayon ərazisində 2619,8 hektar sahədə çiyid səpilməsi planlaşdırılıb. Bununla əlaqədar olaraq, istehsalçılarla müqavilələr bağlanılıb. Əkin sahələrindən yüksək məhsul əldə etmək üçün aqrotexniki tələblərə düzgün və ardıcıl əməl olunması diqqət mərkəzində saxlanılıb.
Ağdam pambıqçıları artıq 2466 hektar sahəyə çiyid səpiblər. Səpin aparılmış ərazilərin 980 hektarında çıxış alınıb. Səpin işlərinin bir neçə günə başa çatdırılması nəzərdə tutulur.
Bölmənin digər xəbərləri
