Ağstafa rayonunda ənənəvi şənbə iməciliyi
Ağstafa, 21 dekabr (AZƏRTAC). Hər həftənin şənbə günləri olduğu kimi, dekabrın 21-də də Ağstafa rayonunda ümumrayon iməciliyi keçirilmişdir.
AZƏRTAC xəbər verir ki, iməcilikdə rayonun müəssisə, idarə və təşkilatlarının kollektivləri iştirak etmişlər. İməcilik zamanı Ağstafa şəhərinin prospekt və küçələrində, park və xiyabanlarında təmizlik işləri aparılmış, yaşıllıqlara qulluq göstərilmişdir. Bundan əlavə, Bakı-Qazax avtomobil yolu və dəmir yolu xəttinin rayon ərazisindən keçən hissələri boyunca da təmizlik işləri həyata keçirilmişdir.
Rayonun kəndlərində də keçirilən iməcilikdə yaşıllıqlara qulluq edilmiş, küçə və yollarda səliqə-sahman yaradılmışdır.
Bölmənin digər xəbərləri
