Aİ gələn il üçün Ukraynaya 18 milyard avro məbləğində kredit yardımı ayırıb
Bakı, 16 dekabr, AZƏRTAC
Avropa İttifaqı (Aİ) Şurasının dövlət və hökumət başçıları Ukraynaya 2023-cü ildə 18 milyard avro məbləğində makromaliyyə proqramını təsdiqləyiblər.
AZƏRTAC TASS informasiya agentliyinə istinadla xəbər verir ki, bu barədə Avropa İttifaqı Şurasının Prezidenti Şarl Mişel Brüsseldə Aİ sammitinin yekunlarına dair mətbuat konfransında bildirib.
Avropa Komissiyasının Prezidenti Ursula Fon der Lyayen isə qeyd edib ki, Avropa İttifaqı Şurası bu il Ukraynaya 19,7 milyard maliyyə yardımı ayırıb və onu lazım olduğu qədər dəstəkləyəcək. Aİ Şurası 2014-cü ildə Ukraynaya 90 milyard avro yardım edib. 2023-cü il üçün 18 milyard avrodan əlavə, Aİ Kiyevə onun enerji sistemini stabilləşdirmək üçün əhəmiyyətli yardım ayıracaq: 800-ə qədər elektrik generator və 30 milyon LED lampa gələn həftə Polşada açılacaq logistika mərkəzi vasitəsilə Ukraynaya çatdırılacaq.
Bölmənin digər xəbərləri
