Aİ Ukraynaya nadir yer minerallarının istifadəsi üzrə öz təklifini irəli sürüb
Kiyev, 25 fevral, AZƏRTAC
Avropa İttifaqı (Aİ) Ukraynaya nadir torpaq minerallarının istifadəsi ilə bağlı öz razılaşmasını təklif edib. Bu, ABŞ-ın təklifindən daha sərfəli olmalıdır.
AZƏRTAC “Politico” nəşrinə istinadla xəbər verir ki, bunu sənaye strategiyası üzrə Avropa komissarı Stefan Sejurne deyib. O bildirib: “Avropanın ehtiyac duyduğu 30 kritik mineraldan 21-i qarşılıqlı faydalı tərəfdaşlıq çərçivəsində Ukrayna tərəfindən təmin edilə bilər”.
Bununla belə, onun sözlərinə görə, Avropanın təklif etdiyi əlavə dəyər ondan ibarətdir ki, Aİ heç vaxt qazan-qazan razılaşmasını tələb etməyəcək.
Xatırladaq ki, Vaşinqton Ukraynaya nadir torpaq metalları üzrə 500 milyard dollarlıq fondun yaradılmasını nəzərdə tutan saziş təklif etmişdi. Birləşmiş Ştatlara orada iqtisadi və idarəetmə hüquqları veriləcək və resursların satışından əldə edilən gəlirlər ABŞ-ın yardımının “ödənilməsi” yolu kimi istifadə olunacaq. Prezident Volodimir Zelenski qeyd edib ki, Ukraynaya dəstəyin məbləği 100 milyard dollar təşkil edib və bunu borc hesab etmək olmaz.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
