“Airbus”da 2362 işçi ixtisara düşəcək
Paris, 20 fevral, AZƏRTAC
“Airbus” şirkəti “Müdafiə və kosmik” (Defense et Space) bölməsində 2362 iş yerinin bağlanması ilə bağlı kommünike yayıb.
AZƏRTAC xəbər verir ki, şirkət kosmik bazarın ləngliyini və müdafiə müqavilələrinin təxirə salınmasını əsas göstərərək 829-u Almaniyada, 630-u İspaniyada, 404-ü Fransada, 357-si İngiltərədə və 142-si digər ölkələrdə olmaqla 2021-ci ilədək 2362 işçinin ixtisara düşəcəyi bildirib. İxtisarlarla bağlı aidiyyəti nümayəndəliklərlə dialoq aparılacağı, ixtisarlarda yaş həddinin nəzərə alınacağı da qeyd edilib.
Bildirilib ki, 2019-cu ildə təxminən 135 min işçi qüvvəsi ilə şirkətin dövriyyəsi 70 milyard avro olub.
Şəhla Ağalarova
AZƏRTAC-ın xüsusi müxbiri
Paris
Bölmənin digər xəbərləri
