Alman siyasətçilər arasında tviterə maraq azalıb
Berlin, 10 dekabr, AZƏRTAC
Amerikalı biznesmen İlon Mask tviterə sahib olandan sonra Almaniyanın federal kansleri Olaf Şolts bu platforma ətrafında cərəyan edən hadisələri diqqətlə izləyir, hətta hər ehtimala qarşı onun alternativi barədə düşünür.
AZƏRTAC Almaniyanın kütləvi informasiya vasitələrinə istinadla xəbər verir ki, ölkənin siyasi elitası bu sosial şəbəkənin rəhbərliyində struktur dəyişikliklərindən narahatdır. Məlumdur ki, işdən çıxarılmalar, kadr yerdəyişməsi, ixtisarlar baş verib. Hətta AFR XİN istifadəçilərin autentifikasiyasına aidiyyəti olan məxfilik və yeniliklərin tətbiqi məsələlərinə dair narahatlığını ifadə edib.
Federal kansler Şoltsun tviterdəki akkauntu bu ilin fevralında yaradılıb. O, öz profili olan ilk federal hökumət başçısıdır. Onun hesabında artıq 657 minə yaxın istifadəçi qeydiyyatdan keçib. Olaf Şolts bu müddət ərzində 500-dən çox post paylaşıb.
Eyni zamanda, siyasətçilərin əksəriyyəti bu platformadakı “azad söz” lövhəsində ədavət və dözümsüzlük, o cümlədən antisemitizm, irqçiliyin müşahidə olunmasından məyusdurlar. Biz islamofobiya və türkofobiyanı da bu siyahıya əlavə edə bilərik.
Vüqar Seyidov
AZƏRTAC-ın xüsusi müxbiri
Berlin
Bölmənin digər xəbərləri
