ALMANİYA BİRLİYİNİN ON ALTINCI İLDÖNÜMÜNÜ BAYRAM ETMİŞDİR

03.10.2006 [23:22]
Çap et
A⁺ A^-

AZƏRTAC-ın xüsusi müxbiri xəbər verir ki, oktyabrın 3-də Almaniya Federativ Respublikası vahidliyinin on altıncı ildönümünü bayram etmişdir. Almaniyanın birliyinə həsr olunmuş mərkəzi rəsmi bayram tədbiri ənənəyə uyğun olaraq növbə ilə hər il federasiyanın əyalətlərindən birində keçirilir. On altıncı rəsmi bayram mərasimi Şlezviq-Holştayn federal əyalətinin paytaxtı Kil şəhərində keçirilmişdir. Təntənəli bayram mərasimində Almaniya Federativ Respublikasının Prezidenti Horst Köler, federal kansler Angela Merkel, bundestaqın sədri Norbert Lammert, parlamentin deputatları, nazirlər və başqa rəsmi şəxslər, ictimaiyyətin nümayəndələri iştirak etmişlər.

Bayram mərasiminin iştirakçıları öncə Kil kilsəsində Almaniyanın birliyi şəninə təşkil olunmuş ibadətdə iştirak etmişlər.

Mərasim açıq elan olunmuşdur. Bayram mərasimində Prezident Horst Köler və federal kansler Angela Merkel çıxış etmişlər.

Təntənəli mərasimin iştirakçıları sonra Almaniyanın 16 federal əyalətindən gəlmiş 800 incəsənət ustasının “Almaniya birgə çalır-çağırır” adlı əyləncəli tədbirdə iştirak etmişlər.

Almaniyanın birliyinin 16-cı ildönümü paytaxt Berlində də yüksək

bayram əhval-ruhiyyəsində qeyd edilmişdir. Brandenburq qapıları önündəki tarixi Paris meydanında toplaşan yüz mindən artıq berlinlinin qarşısında “Almaniya–2006 - milli mənafe və beynəlxalq məsuliyyət” devizi altında təntənəli nitq söyləyən federal daxili işlər naziri Volfqanq Şoyble ictimaiyyəti şənliyə dəvət etmişdir.

ALMANİYA BİRLİYİNİN ON ALTINCI İLDÖNÜMÜNÜ BAYRAM ETMİŞDİR

MÜƏLLİFLƏ ƏLAQƏ

Bölmənin digər xəbərləri