REGİONLAR
ALMANİYA TEXNİKİ ƏMƏKDAŞLIQ CƏMİYYƏTİ CƏLİLABADIN İQTİSADİ İMKANLARINI ÖYRƏNİR
AZƏRTAC-ın müxbiri xəbər verir ki, Cəlilabad rayonunun iqtisadi imkanlarını öyrənmək məqsədi ilə Almaniya Texniki Əməkdaşlıq Cəmiyyətinin kənd təsərrüfatı məsələləri üzrə eksperti Rayner Ployze və baş iqtisadçı Eberhard Savitski İqtisadi İnkişaf Nazirliyinin Sahıbkarlığa Yardım Departamentinin əməkdaşları ilə birlikdə rayonun aqrar sektoru ilə tanışlığı davam etdirirlər.
Cəlilabadın bu bölməsi almaniyalı mütəxəssislər tərəfindən öyrənildikdən sonra əhatəli aqrar siyasət konsepsiyası hazırlanacaq. Kənd təsərrüfatında torpaq bazarı, aqrar sahəyə kreditvermə sistemi, kənd təsərrüfatı məhsullarının satışı, yeni birliklərin yaradılması və dəstəklənməsi məsələlərini özündə birləşdirəcək layihə rayon rəhbərliyi ilə ətraflı müzakirə edildikdən sonra İqtisadi İnkişaf Nazirliyinə təqdim olunacaqdır.