Almaniyada Xocalı soyqırımının tanıdılması məqsədilə məktublar yayımlanmışdır
Bakı, 26 fevral (AZƏRTAC). Almaniyadakı Azərbaycanlıların Koordinasiya Mərkəzi Xocalı soyqırımının 19-cu ildönümü ilə əlaqədar Bundestaqa, dövlət qurumlarına, QHT-lərə, KİV-lərə, siyasi partiyalara, siyasi fondlara və diaspor təşkilatlarına Xocalı faciəsi ilə bağlı həqiqətləri əks etdirən məlumat məktubları göndərmişdir.
Diasporla İş üzrə Dövlət Komitəsindən AZƏRTAC-a bildirmişlər ki, 120-dək təşkilata ünvanlanmış məktublarda Xocalı soyqırımının bütün bəşəriyyətə qarşı yönəlmiş ən dəhşətli cinayətlərdən biri olduğu vurğulanmış, erməni işğalçıları tərəfindən Xocalıda dinc sakinlərin vəhşicəsinə qətlə yetirildiyi bildirilmişdir.
Məktublarda “Xocalıya ədalət” kampaniyasının fəaliyyəti ilə bağlı məlumatlar da yer almış, faciənin dünya ictimaiyyəti tərəfindən soyqırımı kimi tanınmasının vacibliyi vurğulanmışdır.
Bölmənin digər xəbərləri
