AMERİKALI TELEVİZİYA APARICISI “DƏYİRMİ MASA” KEÇİRMİŞDİR

26.03.2004 [23:19]
Çap et
A⁺ A^-

Martın 26-da Amerika Birləşmiş Ştatlarının ölkəmizdəki səfirliyində bu ölkənin tanınmış televiziya və radio aparıcısı Koki Robertsin iştirakı ilə “dəyirmi masa” keçirilmişdir. “Save the children” humanitar təşkilatının xətti ilə Azərbaycana gəlmiş xanım Robertsin məqsədi ölkəmizdə qadınların hüquqları ilə bağlı vəziyyətlə tanış olmaqdır. Onun sözlərinə görə, qız uşaqlarının tam dəyərli təhsil ala bilmədiyi bölgələrdə vəziyyət daha ağırdır.

Uzun illər Birləşmiş Ştatların dövlət radiosunda (NPR) baş analitik, ABC news telekanalında siyasi şərhçi işləmiş xanım Roberts öz ölkəsində böyük şöhrət qazanmışdır. Belə ki, o, Birləşmiş Ştatların teleradio verilişləri tarixində 50 ən görkəmli qadının sırasına daxil olmuş, televiziya sahəsində uğurlara görə 2 Emmi mükafatına layiq görülmüşdür. O, öz ölkəsində yazıçı və qadın hüquqlarının müdafiəçisi kimi də tanınır.

Xanım Roberts “dəyirmi masa” iştirakçılarının suallarını cavablandıraraq, ölkəmizlə bağlı təəssüratlarından danışmış, insan hüquqlarının qorunması sahəsində öz təcrübəsini gənc jurnalistlərlə bölüşməyə hazır olduğunu bildirmişdir.

AMERİKALI TELEVİZİYA APARICISI “DƏYİRMİ MASA” KEÇİRMİŞDİR

MÜƏLLİFLƏ ƏLAQƏ

Bölmənin digər xəbərləri