Antonio Koşta: Monteneqro Aİ-də müsbət impulsun ən yaxşı nümunələrindəndir
Podqoritsa, 14 may, AZƏRTAC
Monteneqro Avropa İttifaqının (Aİ) genişlənmə baxımından əldə etdiyi müsbət impulsun ən yaxşı nümunələrindən biridir.
AZƏRTAC xəbər verir ki, bunu Avropa İttifaqı Şurasının prezidenti Antonio Koşta Qərbi Balkan regionu ölkələrinə səfəri çərçivəsində Monteneqro Prezidenti Yakov Milatoviçlə görüşdə deyib.
O, Monteneqronun Avropa İttifaqına üzvlük yolunda səylərini yüksək qiymətləndirib. Antonio Koşta Monteneqronun “2028-ci ilədək Aİ-nin 28-ci üzvü olacağıq” şüarını təqdir edib.
Yakov Milatoviç isə bildirib ki, Antonio Koştanın ölkəsinə səfəri Monteneqronun Avropa perspektivinin Aİ-nin gündəmində önəmli yer tutmasının təsdiqidir. Qeyd edib ki, Monteneqronun əsas məqsədi 2028-ci ildə Aİ-nin üzvü olmaqdır.
Nihad Budaqov
AZƏRTAC-ın xüsusi müxbiri
Podqoritsa
Bölmənin digər xəbərləri
