Aramsız yağan leysan yağışları Daşkəsənin təsərrüfatlarına ziyan vurmuşdur
Daşkəsən, 29 iyun (AZƏRTAC). İyunun 28-dən başlayan aramsız yağan leysan yağışları Daşkəsən rayonunun bəzi bölgələrində yol və elektrik təsərrüfatına, eləcə də bəzi yaşayış evlərinə və əkin sahələrinə müəyyən ziyan vurmuşdur.
Rayon fövqəladə hallar komissiyasının sədri Cavanşir Qocayevin AZƏRTAC-a verdiyi məlumata görə, leysan yağışları iyunun 29-da da davam etmişdir. Hazırda dəymiş ziyanın həcmi müəyyənləşdirilir.
İyunun 28-də təbii fəlakət bir nəfərin həyatına son qoymuşdur. Ağcabədi rayonunun Taxtakörpü qəsəbəsində məskunlaşan və Daşkəsənə yaylağa gələn 1988-ci il təvəllüdlü Laçın rayon sakini Şəhrəman İmranov qoyun otararkən onu Zağalı kəndində ildırım vurmuş, nəticədə Ş.İmranov dünyasını dəyişmişdir.
Bölmənin digər xəbərləri
