ARAZ ÇAYI SAHİLLƏRİNDƏ QUŞLARIN NƏİNKİ KÜTLƏVİ, HEÇ FƏRDİ TƏLƏFATINA DA TƏSADÜF EDİLMİR
Bildiririk ki, Azərbaycan Respublikası İran İslam Respublikası ilə həmsərhəd ölkədir. Bizim həmin ölkə ilə Araz çayı boyu sərhədlərimiz mövcuddur. Odur ki, nəzarətimizdə olan bütün ərazilərə daim həm sərhədçilər, həm də baytarlıq xidmətinin yerli orqanları tərəfindən ciddi nəzarət olunur. Eyni zamanda, onu da xatırladırıq ki, bu ərazilərə hələ köçəri quşların miqrasiyası başlanmamışdır. Bu günlərdə həmin ərazilərdə quşların nəinki kütləvi, hətta adi ölümləri müşahidə edilməmişdir. Əgər Araz çayının İran sahillərində belə bir hal baş vermiş olsaydı, şübhəsiz, onun Azərbaycan sahillərində də fəsadlarına təsadüf olunardı.
Bir daha bildiririk ki, kütləvi informasiya vasitələrində yayılmış bu məlumatlar həqiqətdən çox uzaqdır, rəsmi mənbələrə istinad edilmir. Xatırladırıq ki, Araz çayının Azərbaycan sahillərində çöl quşlarının tələfatı müşahidə edilmir. Odur ki, əhalini belə yanlış məlumatlara inanmamağa çağırır və bu məlumatları əsassız hesab edirik.
Bölmənin digər xəbərləri
