ARB Günəş TV-nin rəhbəri: Layihənin əsas məqsədi qəhrəman pilotlarımızın müqəddəs ruhunu yaşatmaqdır
Bakı, 19 may, AZƏRTAC
İki ay bundan öncə mənim bəstəkar dostum Sevinc Tofiqqızından bir məlumat aldım ki, bizim qəhrəman pilotumuz İqor Kşnyakinın qızlarının vokal bacarığı var. Sevinc xanım da bizim dəyərli şairimiz Baba Vəziroğlunun sözlərinə bir mahnı bəstələdi. Biz “Azərbaycan Hava Yolları” Qapalı Səhmdar Cəmiyyətinə (AZAL) müraciət etdik və müsbət cavab aldıq. Onlar bütün təşkilati məsələlərdə bizə yardım etdilər.
AZƏRTAC xəbər verir ki, bu sözləri jurnalistlərə açıqlamasında ARB Günəş TV-nin rəhbəri Məhsim Məhsimov “Səma qəhrəmanları” adlı yeni layihəsini təqdimatından öncə deyib.
Onun sözlərinə görə, çəkilişlərə bir ay öncə başlanıb: " Çəkilişlər üç gün şəhərin müxtəlif yerlərində, hava limanında, qəhrəman pilotumuzun evində keçirilib. Məqsədimiz isə mayın 19-da - qəhrəman pilotumuzun doğum gününə bu layihəni ictimaiyyətə təqdim etmək idi. Çox şükür ki, məqsədimizə nail olduq".
Məhsim Məhsimov bu layihənin ərsəyə gəlməsinin əsas məqsədinin “Embraer 190” tipli sərnişin təyyarəsində həlak olan Milli qəhrəmanlar - kapitan-pilot İqor Kşnyakin, ikinci pilot Aleksandr Kalyaninov, baş stüardessa Hökumə Əliyevaya və bütün qəhrəman aviasiya işçilərimizin müqəddəs ruhunu yaşatmaq olduğunu diqqətə çatdırdı.
Bölmənin digər xəbərləri
