ARDNŞ-in Ekologiya İdarəsi Beynəlxalq ətraf mühitin mühafizəsi gününə həsr olunmuş tədbir keçirəcəkdir
Bakı, 1 iyun (AZƏRTAC). İyunun 3-də Azərbaycan Respublikası Dövlət Neft Şirkətinin Ekologiya İdarəsi Beynəlxalq ətraf mühitin mühafizəsi günü ilə əlaqədar “Park Bulvar” ticarət və istirahət mərkəzi və “Beauttech” gözəllik texnologiyaları şirkəti ilə birlikdə ekoloji aksiya keçirilməsini planlaşdırır.
ARDNŞ-in mətbuat xidmətindən AZƏRTAC-a verilən məlumata görə, aksiya zamanı “Park Bulvar”da quraşdırılacaq “Yaşıl zona”nın ərazisində ekoloji sorğular aparılacaqdır. Sualları düzgün cavablandıran şəxslər üçün təşkilatçılar tərəfindən maraqlı sürprizlər və hədiyyələr hazırlanmışdır.
Bölmənin digər xəbərləri
