Astanada “Euronews”un regional nümayəndəliyi açılacaq
Astana, 17 iyul, AZƏRTAC
Qazaxıstanın mədəniyyət və informasiya naziri Aida Balayeva “Euronews”un Direktorlar Şurasının sədri Pedro Varqas David ilə görüşüb.
AZƏRTAC Qazaxıstanın Mədəniyyət və İnformasiya Nazirliyinin mətbuat xidmətinə istinadən xəbər verir ki, görüş zamanı tərəflər Qazaxıstanın “Euronews” ilə əməkdaşlığı haqqında Anlaşma Memorandumu imzalayıblar.
“Euronews”un regional nümayəndəliyinin açılması beynəlxalq auditoriyaya Qazaxıstanın iqtisadi, siyasi, sosial və mədəni inkişafını hərtərəfli təşviq etmək üçün gözəl imkanlar açacaq”, – deyə nazir Aida Balayeva qeyd edib.
Tərəflər, həmçinin media sahəsinin inkişafı və beynəlxalq informasiya mübadiləsinin gücləndirilməsinə yönəlmiş birgə layihələrin və təşəbbüslərin həyata keçirilməsində əməkdaşlıq qurmaqda maraqlı olduqlarını bildiriblər.
AZƏRTAC-ın xüsusi müxbiri
Astana
Bölmənin digər xəbərləri
