Atmosfer havasında müşahidə edilən tozun miqdarı normadan 5,6 dəfə yuxarı olub
Bakı, 30 avqust, AZƏRTAC
Ekologiya və Təbii Sərvətlər Nazirliyinin Ətraf Mühit üzrə Milli Monitorinq Departamenti Bakıda və Abşeron yarımadasında müşahidə olunan toz dumanı ilə bağlı operativ iş rejiminə keçərək hər üç saatdan bir atmosfer havasında müşahidələr aparır.
Nazirliyin mətbuat xidmətindən AZƏRTAC-a verilən xəbərə əsasən, havanın keyfiyyətini ölçən avtomatik və stasionar monitorinq stansiyalarından alınan məlumata görə, Bakı və Abşeron yarımadasında saat 16:00-da tozun miqdarında cüzi artım müşahidə olunub. Belə ki, tozun miqdarının sanitar normadan 5,6 dəfə yuxarı olduğu qeydə alınıb.
Xatırladaq ki, saat 10:00-da bu göstərici 3, 13:00-da 5,4 dəfə sanitar normanı ötüb.
Qeyd edək ki, atmosferdə müşahidə edilən toza səbəb Türkmənistandan atmosfer axınları ilə toz-dumanının daxil olmasıdır. Belə tozlu hava şəraitinin 2 gün davam edəcəyi proqnozlaşdırılır.
Bölmənin digər xəbərləri
