Auditorlar Palatasının rəhbər işçiləri biraylıq əməkhaqlarını Silahlı Qüvvələrə Yardım Fonduna köçürüblər
Bakı, 6 oktyabr, AZƏRTAC
Auditorlar Palatasının rəhbər işçiləri biraylıq əməkhaqlarını Azərbaycan Respublikasının Silahlı Qüvvələrinə Yardım Fonduna köçürüblər.
Palatadan AZƏRTAC-a bildirilib ki, Ali Baş Komandan, Prezident İlham Əliyevin bilavasitə rəhbərliyi ilə uğurlu əməliyyatların həyata keçirildiyi bu günlərdə ölkədə fəaliyyət göstərən dövlət qurumları, o cümlədən müəssisə və təşkilatlar, şirkətlər, fərdi vətəndaşlar, qeyri-hökumət təşkilatları Şanlı Ordumuza dəstək məqsədilə müxtəlif vasitələrlə dəstək olurlar. Qəhrəman Ordumuzun cəbhəboyu apardığı uğurlu əməliyyatlarda Auditorlar Palatası cəsarətli əsgərlərimizi dəstəkləyir və onlara möhkəm cansağlığı arzulayır.
Bölmənin digər xəbərləri
