SİYASƏT
AVROPA AZƏRBAYCAN CƏMİYYƏTİ ALMANİYADAKI AZƏRBAYCANLILARIN GÖRÜŞÜNÜ TƏŞKİL EDƏCƏKDİR
Bakı, 4 iyun (AZƏRTAC). İyunun 12-də Berlində Avropa Azərbaycan Cəmiyyəti (AAC) “Almaniyadakı Azərbaycanlıların görüşü” adlı tədbir keçirəcəkdir.
Diasporla İş üzrə Dövlət Komitəsindən bildirmişlər ki, tədbirdə AAC-ın Almaniyadakı fəaliyyəti, Avropa ölkələrindəki azərbaycanlılarla əlaqələri barədə məlumat veriləcəkdir.
Bundan başqa, tədbirdə AAC-nin işə düzəltmə xidmətinin də təqdimatı olacaqdır.
Tədbirə Berlindən kənarda yaşayan və ya təhsil alan soydaşlarımız da dəvət olunmuşlar.