AVROPA ŞURASI PARLAMENT ASSAMBLEYASININ KOMİTƏLƏRİNDƏ

16.05.2006 [19:19]
Çap et
A⁺ A^-

AZƏRTAC xəbər verir ki, mayın 17-dən 19-dək Budapeştdə Avropa Şurası Parlament Assambleyasının Hüquqi işlər və insan hüquqları Komitəsinin, Monitorinq komitəsinin və Milli azlıqların hüquqları üzrə alt komitənin iclasları keçiriləcəkdir. Tədbirlərdə Milli Məclisin Beynəlxalq münasibətlər və parlamentlərarası əlaqələr daimi komissiyasının sədri, AŞPA-dakı daimi nümayəndə heyətinin rəhbəri Səməd Seyidovun başçılıq etdiyi deputat qrupu iştirak edəcəkdir.

Milli Məclisin mətbuat xidmətindən verilən məlumatda deyilir ki, nümayəndə heyətinin tərkibinə deputatlardan Gültəkin Hacıyeva, Qənirə Paşayeva və Aydın Abbasov daxildirlər.

İclaslarda Avropa Birliyinin qanunlarında ayrı-seçkiliyin aradan qaldırılması, milli və etnik azlıqların vəziyyəti, ABŞ və beynəlxalq hüquq, Azərbaycanda təkrar parlament seçkiləri, Albaniyada, Serbiyada vəziyyət və digər məsələlər barədə fikir mübadiləsi aparılacaqdır.

Azərbaycan nümayəndələri gündəliklərdəki məsələlər barədə Azərbaycan tərəfinin mövqeyini bildirəcəklər.