Avropada aviadaşımaların artması müşahidə olunur
Berlin, 29 iyul, AZƏRTAC
Koronavirus dövründə yaranmış “səyahət aclığı” COVID-19-a qarşı mübarizə ilə bağlı əsas məhdudiyyətlər götürüləndən dərhal sonra özünü göstərib.
AZƏRTAC xəbər verir ki, Avropa sakinləri daha çox səyahət etməyə başlayıb. Aİ ölkələrinin səyahətə çıxan sakinlərinin sayı COVID-19 pandemiyasından əvvəlki dövr ilə müqayisədə 26,5 faiz artıb. Almaniyada aviadaşımalar bazarının təhlili buna əyani sübutdur.
Koronavirus məhdudiyyətlərinin yumşaldılması, “itirilmiş” 2020-ci il, xəstəlik səviyyəsinin azalması və vaksinasiyada irəliləyiş “Köhnə Dünya” sakinlərini itirdiklərinin əvəzini çıxmağa sövq edib.
Avropada daxili reyslərin populyarlığının artması AFR aeroportlarında daşımaların həcmini bir qədər bərpa etməyə imkan verib. Aeroportlar Assosiasiyasının hesablamalarına görə, cari ilin ikinci rübündə 28 aeroportda 5,5 milyon qonağa xidmət edilib. Almaniya KİV-ləri bunu yaxşı göstərici hesab edirlər.
Avropa reyslərində sərnişinlərin sayı böhrandan əvvəlki səviyyə ilə müqayisədə 26,5 faiz artıb, daxili aviadaşımalarda isə vəziyyət bir qədər pisdir: bu sahədə artım böhrandan əvvəlki göstərici ilə müqayisədə 18,4 faizi aşmır.
Vüqar Seyidov
AZƏRTAC-ın xüsusi müxbiri
Berlin
Bölmənin digər xəbərləri
