“AVROPA”DA DİNLƏRARASI DİALOQ VƏ BARIŞIQ İFTARI
AZƏRTAC xəbər verir ki, oktyabrın 7-də “Saman yolu” TV “Avropa” hotelində müqəddəs Ramazan ayı münasibətilə ənənəvi dinlərarası dialoq və barışıq iftarı təşkil etmişdir. Mərasimdə respublikamızın tanınmış elm, incəsənət və mədəniyyət xadimləri, Milli Məclisin deputatları, xarici ölkələrin Azərbaycanda fəaliyyət göstərən səfirlikləri, beynəlxalq təşkilatların nümayəndələri, türkiyəli iş adamları iştirak etmişlər. Mərasim Quran ayələrinin oxunuşu ilə başlanmışdır.
Türkiyənin Azərbaycandakı səfiri Turan Moralı və Bakıdakı katolik kilsəsinin keşişi Yam Çapla çıxış edərək dinlərin insanları bir-birindən ayırmağa yox sülhə, mehriban birgə yaşayışa xidmət etdiyini bildirmişlər. Onlar Azərbaycanda məhz belə dini münasibətin hökm sürdüyünü xüsusi vurğulamışlar.
Sonra müxtəlif dillərdə dini mahnılar ifa olunmuşdur.
