İQTİSADİYYAT
AVSTRİYANIN TURİZM İŞLƏRİ ÜZRƏ DÖVLƏT KATİBİ AZƏRBAYCANA GƏLƏCƏK
Avstriyanın turizm işləri üzrə dövlət katibi xanım Mares Rossmann dekabrın 10-dan 12-dək Azərbaycanda rəsmi səfərdə olacaqdır. Gənclər, İdman və Turizm Nazirliyinin mətbuat xidmətindən AZƏRTAC-a bildirmişlər ki, səfər zamanı iqtisadi inkişaf, gənclər, idman və turizm nazirliklərində, paytaxtın icra hakimiyyətində bir sıra görüşlər keçiriləcəkdir. Dövlət katibinə Azərbaycanda turizmin inkişafına vəsait qoymaq istəyən Avstriya sərmayəçiləri üçün informasiya paketinin təqdim olunacağı gözlənilir.
Xanım Rossmann Azərbaycanın görməli yerləri ilə tanış olacaq, bir sıra turizm sənayesi obyektlərinə gedəcəkdir. Səfərin yekunlarına dair mətbuat konfransı keçiriləcəkdir.