Azərbaycan ağırlıqqaldıranı Avropa çempionatında zədələnib
Bakı, 4 iyun, AZƏRTAC
Albaniyanın paytaxtı Tiranada keçirilən ağırlıqqaldırma üzrə Avropa çempionatında Azərbaycanın yeganə təmsilçisi Dadaş Dadaşbəyli zədələnib.
AZƏRTAC xəbər verir ki, 102 kiloqram çəki dərəcəsində çıxış edən təmsilçimiz birdən qaldırma hərəkətində 172 kiloqramı ram edib. Lakin o, ağırlığı qaldırarkən qolundan zədə alıb.
Nəticədə azərbaycanlı atlet təkanla qaldırma mərhələsinə qatıla bilməyib.
Qeyd edək ki, Avropa çempionatında 39 ölkədən 289 atlet (145 qadın + 144 kişi) mübarizə aparır.
Bölmənin digər xəbərləri
