Azərbaycan Almatıda dağ turizminin inkişafına həsr edilən forumda təmsil olunur
Astana, 24 fevral, AZƏRTAC
Almatıda Qazaxıstan, Rusiya, Özbəkistan və Azərbaycan nümayəndələrinin iştirakı ilə dağ turizminin inkişafına həsr olunan Avrasiya Forumu keçirilir.
AZƏRTAC xəbər verir ki, tədbirlər Oi-Qaragai və Çimbulak dağ kurortlarının meydançalarında keçirilir. Forumun beynəlxalq formatı peşəkar dialoqun inkişafına, təcrübə mübadiləsinə və aktual sahə məsələlərinin müzakirəsinə yönəlib.
İştirakçılar Almatı dağ klasterinin formalaşdırılması və inkişafı, infrastruktur həlləri, xidmət keyfiyyətinin yüksəldilməsi və kurortlarda təhlükəsizliyin təmin edilməsi məsələlərini müzakirə edirlər.
Elşən Rüstəmov
AZƏRTAC-ın xüsusi müxbiri
Astana
Bölmənin digər xəbərləri
