Azərbaycan badmintonçusu: İstənilən rəqiblə mübarizə apara biləcək gücdəyik
Bakı, 6 fevral, AZƏRTAC
"Bakının belə mötəbər yarışa ev sahibliyi etməsi sevindiricidir".
AZƏRTAC xəbər verir ki, bu sözləri badminton üzrə Azərbaycan millisinin üzvü Edi Reski Dviçayo Bakıda ilk dəfə keçiriləcək Avropa çempionatına hazırlıq barədə jurnalistlərə açıqlamasında deyib.
O, turnirdə iştirak edəcəyi üçün həyəcanlı olduğunu bildirib: "Doğma divarlar arasında Avropa çempionatı kimi önəmli yarışda iştirak həm mənim, həm də komanda yoldaşlarım üçün ilkdir. Təbii ki, yaxşı nəticə üçün əlimdən gələni edəcəyəm".
Tailandəsilli idmançı rəqiblər barədə də fikirlərini bölüşüb: "Biz Danimarka, İspaniya və İngiltərə yığmaları ilə eyni qrupdayıq. Bildiyiniz kimi, Danimarka ən güclü komandalardan hesab olunur. Onlar son Avropa çempionatının qalibi olublar. Düşünürəm ki, istənilən rəqiblə mübarizə apara biləcək gücdəyik".
Qeyd edək ki, fevralın 12-16-da Bakı İdman Sarayında təşkil olunacaq Avropa çempionatında Danimarka, İspaniya, İngiltərə, Fransa, Almaniya, Çexiya, Niderland və Azərbaycan olmaqla ümumilikdə 8 ölkənin yığması mübarizə aparacaq.
Bölmənin digər xəbərləri
