Azərbaycan Basketbol Liqası: "Xəzri" və "Xırdalan"dan qələbə
Bakı, 8 dekabr, AZƏRTAC
Azərbaycan Basketbol Liqasının VII turunda daha iki oyun keçirilib.
AZƏRTAC xəbər verir ki, "Sərhədçi" İdman Mərkəzində ilk olaraq meydana "Xəzri" və "Sumqayıt" komandaları çıxıb. Maraqlı mübarizə şəraitində keçən görüş Bakı təmsilçisinin 95:85 hesablı qələbəsi ilə yekunlaşıb.
Ardınca "Sərhədçi" - "Xırdalan" oyunu start götürüb. Bu qarşılaşmada isə qonaqlar qalib gəliblər.
Qeyd edək ki, "NTD-İndiqo" 13 xalla liderdir. Eyni xala malik "Xəzri" ikinci yerdədir. "Neftçi" 12 xalla 3-cü, 11 xal toplayan "Sabah" isə dördüncü sıradadır.
Azərbaycan Basketbol Liqası
8 dekabr
"Xəzri" - "Sumqayıt" - 95:85 (25:28, 23:19, 25:18, 22:20)
"Sərhədçi" - "Xırdalan"- 57:79 (8:13, 15:19, 19:18, 15:29)
"Neftçi" - "NTD-İndiqo" - 71:93 (10:18, 21:28, 21:24, 19:23).
Bölmənin digər xəbərləri
