AZƏRBAYCAN-BELARUS MÜNASİBƏTLƏRİNDƏ QAPALI MÖVZULAR YOXDUR
AZƏRTAC xəbər verir ki, bu fikri Prezident Aleksandr Lukaşenko Azərbaycan Prezidenti İlham Əliyevlə görüşdə vurğulamışdır. O, öz ölkəsinin iş adamlarını Azərbaycanla əməkdaşlığa çağıraraq demişdir ki, Azərbaycan rəhbərliyi bizi bu sahədə dəstəkləyəcəkdir. Azərbaycan çox böyük maliyyə ehtiyatlarına malikdir və onları yolların, hava limanlarının tikintisinə, kənd təsərrüfatına, yeni müəssisələr yaradılmasına və köhnə müəssisələrin modernləşdirilməsinə yönəldir. Bizə Azərbaycanda tələbat ola bilər.
Lukaşenko hərbi-texniki əməkdaşlıq üzrə mütəxəssislərə təşəkkür edərək bildirmişdir ki, əgər hamı digər dövlətlərlə də işə bu cür yanaşsa, onda bizə həmişə tələbat olacaqdır. Azərbaycana çox yüksək məsuliyyətlə və mədəniyyətlə getmək lazımdır ki, bizim haqqımızda yaxşı danışsınlar. İndi bu, biznesdə əsas şərtdir.
Bölmənin digər xəbərləri
