AZƏRBAYCAN CAZ MUSİQİSİNİN ƏNƏNƏLƏRİ YAŞAYIR
AZƏRTAC-ın müxbiri xəbər verir ki, tanınmış cazmen, Bakı Caz Mərkəzinin direktoru, saksafonçu Rain Sultanov və pianoçu Salman Qənbərov caz musiqisi həvəskarlarına öz bəstələrini təqdim etmişlər. Konsertdə “İntuisiya-1”, “İntuisiya-2” və” İntuisiya-3” kompozisiyaları ifa olunmuşdur.
Rain Sultanov demişdir ki, biz Azərbaycanda caz ənənələrini yaşadır və inkişaf etdiririk. 1997-ci ildən Bakıda caz klubu, keçən ildən isə caz mərkəzi açılmışdır. Məşhur caz ustası Vaqif Mustafazadə, Rafiq Babayev, Tofiq Şabanov bu gözəl şəraiti görə bilmədilər. Lakin onların arzuları həyata keçmişdir. Azərbaycan cazmenləri artıq dünyada tanınırlar.
Bölmənin digər xəbərləri
