AZƏRBAYCAN CÜDOÇUSU CEYHUN QATAYEV GƏNCLƏR OLİMPİADASINA VƏSİQƏ QAZANMIŞDIR
Bakı, 7 avqust (AZƏRTAC). Azərbaycan cüdoçusu Ceyhun Qatayev (55kq) Budapeştə kadetlər arasında keçirilən I dünya çempionatının gümüş mükafatçısı olmuşdur. C.Qatayev Mislav Kreçki (Xorvatiya), Tevol Tammonu (Estoniya), Karandip Taxuru (Hindistan), Mansurxuja Muminxujayevi (Özbəkistan), Kestutis Vitkauskası (Litva) məğlubiyyətə uğratmışdır.
Cüdo Federasiyasından bildirmişlər ki, C.Qatayev gümüş mükafatla yanaşı, 2010-cu ildə Sinqapurda gənclər arasında keçiriləcək I Olimpiadaya vəsiqə qazanmışdır.
Daha bir Azərbaycan cüdoçusu Kamran Bağırov (50 kq) çempionatda beşinci yeri tutmuşdur.
Bölmənin digər xəbərləri
