Azərbaycan Dillər Universitetində əlavə təhsilə sənəd qəbulu aparılır
Bakı, 22 iyul, AZƏRTAC
2021/2022-ci tədris ilində təkrar ali təhsil və kadrların yenidənhazırlanması təhsilinə Azərbaycan Dillər Universitetində mövcud olan bütün ixtisaslar üzrə müsabiqə yolu ilə tələbə qəbulu avqustun 10-dək davam edəcək.
Universitetdən AZƏRTAC-a bildirilib ki, sənədlər hər gün (istirahət günlərindən başqa) saat 10:00-dan 15:00-dək qəbul olunur.
Tələb olunan sənədlər:
- rektorun adına ərizə;
- diplom (yaxud diplomu əvəz edən arayış) və əlavəsinin (yaxud transkriptin) surəti;
- şəxsiyyət vəsiqəsinin surəti;
- 3x4 sm ölçüdə 3 ədəd fotoşəkil;
- sağlamlıq haqqında arayış.
Sənədlərin təqdimi üçün (012) 564 22 48 nömrəsinə zəng edərək vaxt təyin edilməsi və gələrkən tibbi maskadan istifadə olunması vacibdir.
Bölmənin digər xəbərləri
