AZƏRBAYCAN DÜNYA SƏHİYYƏ TƏŞKİLATI İLƏ SIX ƏMƏKDAŞLIQ EDİR
DST-nin İcraiyyə Komitəsinin vitse-prezidenti seçilmiş Oqtay Şirəliyev Azərbaycanın Səhiyyə Nazirliyi ilə təşkilatın çox sıx əməkdaşlıq etdiyini bildirmiş, ölkəmizdə “quş qripi” təhlükəsinin baş qaldırdığı zaman bu qurumun böyük dəstəyini diqqətə çatdırmışdır. O, DST-nin çox mötəbər və nüfuzlu qurum olduğunu bir daha vurğulamışdır.
Oqtay Şirəliyev Xulio Frenkinin tərcümeyi-halı ilə yaxından tanış olduğunu və seçim zamanı DST-nin İcraiyyə Komitəsinin üzvlərinin layiqli namizədə səs verəcəklərinə əminliyini bildirmişdir.
Xulio Frenki ölkələrimizin həm siyasi, həm də iqtisadi cəhətdən, aparılan islahatlar baxımından bir-birinə çox bənzədiyini vurğulamışdır.
Bu vaxtadək DST-nin rəhbəri vəzifəsində hər hansı ölkənin səhiyyə nazirinin seçilmədiyini diqqətə çatdıran Xulio Frenki, təşkilatın baş direktoru seçiləcəyi təqdirdə uzun müddət nazir olmasının işinə müsbət təsir göstərəcəyini demişdir.
Daha sonra qonaq üç hissədən ibarət platforması haqqında qısa məlumat vermişdir.
Oqtay Şirəliyev qonağa DST-nin baş direktoru vəzifəsinə seçkilərdə uğurlar arzulamışdır.
Bölmənin digər xəbərləri
