“Azərbaycan ədəbiyyatı tarixində Gəncə” mövzusunda respublika elmi-nəzəri konfransı keçiriləcək
Bakı, 5 fevral, AZƏRTAC
Aprelin 25-də AMEA-nın Gəncə bölməsində “Azərbaycan ədəbiyyatı tarixində Gəncə” mövzusunda respublika elmi-nəzəri konfransı keçiriləcək.
AMEA-dan AZƏRTAC-a bildirilib ki, tədbirdə ali təhsil və elmi-tədqiqat müəssisələrini təmsil edən hər kəs iştirak edə bilər.
Konfrans “XI-XII əsrlər Azərbaycan intibahı və Gəncə ədəbi-mədəni mühiti”, “Gəncə intibahına aparan yollar”, “Məhsəti dövründə yaşayıb-yaratmış qadın şairlər və “Nüzhətül-məcalis”də adları çəkilən gəncəli şairlər”, “Şərq ədəbiyyatında xəmsəçilik ənənələri”, “Dünya ədəbiyyatının Nizami mərhələsi”, “XIX əsrin I yarısında yaşamış şairlər: Kazım ağa Salik, Əbdürrəhman ağa Şair, Mirzə Şəfi Vazeh”, “XIX əsrin ikinci yarısında Gəncədə maarifçiliyin təşəkkülü və inkişafı”, “XX əsrdə və müstəqillik illərində Gəncə ədəbi-mədəni mühiti”, “Azərbaycanın dövlətçilik və mədəniyyət tarixində Gəncənin yeri” mövzularını əhatə edəcək.
Məqalələrin qəbulu aprelin 14-dək davam edəcək.
Bölmənin digər xəbərləri
