AZƏRBAYCAN GÜLƏŞÇİLƏRİ LİSENZİYA XARAKTERLİ BEYNƏLXALQ TURNİRDƏ İŞTİRAK EDƏCƏKLƏR
AZƏRTAC xəbər verir ki, yunan-Roma güləşi üzrə Azərbaycan milli komandası mayın 9-da Romada start götürəcək “Milone Trophy” turnirində iştirak edəcəkdir.
Pekin Yay Olimpiya Oyunlarına lisenziya xarakterli bu təsnifat turnirinə 51 ölkənin idmançıları qatılacaqlar.
Yığmamızın heyətində Taleh İsrafilov (60 kq), İlqar Abdulov (74 kq), Şalva Qadabadze (84 kq), Denis Mişin (96 kq) və Anton Botev (120 kq) yer almışlar.
Hər bir çəki dərəcəsində mükafatçılar sırasına düşən dörd güləşçi Olimpiya Oyunlarına vəsiqə əldə edəcəkdir.
Bölmənin digər xəbərləri
