Azərbaycan klubu heyətini bolqarıstanlı voleybolçu ilə gücləndirib
Bakı, 6 sentyabr, AZƏRTAC
“Gəncə” klubu heyətini yeni voleybolçu ilə gücləndirib.
Qərb təmsilçisinin mətbuat xidmətindən AZƏRTAC-a verilən məlumata görə, “sarı-göylər” bolqarıstanlı Nikol Duleva ilə 1 illik müqavilə imzalayıb.
Oyunçu 2023/2024-cü illər mövsümünü İsveçrənin VFM komandasında keçirib. O, Fransanın “Stella Calais”, “Romans”, “Vandoeuvre Nancy”, ölkəsinin isə “Kazanlak” və “Rakovski” klublarının da şərəfini qoruyub.
“Gəncə” bunadək yerli voleybolçular Yuliya Kərimova, Nərminə Musayeva, Fidan Azayeva, Amina Ramazanova, Asiyat Abuyeva, Xanım Cəlilova, rusiyalı Anastasiya Atepalina, tailandlı Tiçakorn Bunlert, ukraynalı Olena Napalkova və braziliyalı Kerolayn Ferreira Perottonu heyətinə qatıb.
Bölmənin digər xəbərləri
