Azərbaycan Kuboku: Bu gün 2-ci finalçı məlum olacaq
Bakı, 22 aprel, AZƏRTAC
Bu gün futbol üzrə Azərbaycan Kubokunda növbəti finalçı bəlli olacaq.
AZƏRTAC xəbər verir ki, yarımfinalın ikinci cavab oyununda “Sabah” öz meydanında “Qarabağ”ı qəbul edəcək. Masazırdakı “Bank Respublika Arena”da keçiriləcək qarşılaşma saat 20:00-da başlayacaq.
Bu komandaların ilk duelində qalib müəyyənləşməyib – 2:2.
Qeyd edək ki, “Sabah” – “Qarabağ” cütünün qalibi finalda “Zirə”nin rəqibi olacaq. “Qartallar” ilk oyunda 2 cavabsız qolla qalib gəldiyi “Turan Tovuz”la qolsuz heç-heçə edərək finala vəsiqə qazanıb.
Bölmənin digər xəbərləri
