Azərbaycan Kuboku: “Sabah” “Neftçi”yə qalib gələrək finala yüksəlib
Bakı, 23 aprel, AZƏRTAC
Futbol üzrə Azərbaycan Kubokunda yarımfinal mərhələsinin son oyunu keçirilib.
AZƏRTAC xəbər verir ki, günün ikinci matçında “Sabah” və “Neftçi” komandaları üz-üzə gəliblər.
“Bank Respublika Arena”da təşkil olunan qarşılaşma 1:1 hesablı heç-heçə ilə yekunlaşıb. Meydan sahiblərinin qoluna 23-cü dəqiqədə Cesse Sekidika imza atıb. Qonaqlarda isə Emin Mahmudov 40-cı dəqiqədə fərqlənib.
Komandalar arasında keçirilmiş iki oyunun (2:1, 1:1) nəticəsinə əsasən “Sabah” finala vəsiqə qazanıb. “Bayquşlar” həlledici oyunda “Qarabağ”la qarşılaşacaq.
Final görüşü mayın 31-də reallaşacaq.
Bölmənin digər xəbərləri
