“AZƏRBAYCAN MEHMANXANASI” ASC-NİN SƏHMLƏRİ SATIŞA ÇIXARILIR

15.05.2006 [22:47]
Çap et
A⁺ A^-

Dövlət Əmlakının İdarə Edilməsi üzrə Dövlət Komitəsindən AZƏRTAC-a bildirmişlər ki, “Azərbaycan mehmanxanası” Açıq Səhmdar Cəmiyyətinin səhmlərinin satışı üzrə investisiya müsabiqəsi elan edilmişdir.

Müsabiqədə Azərbaycan Respublikasının iş adamları ilə yanaşı, xarici sərmayədarlar da iştirak edə bilərlər.

Müsabiqəyə təqdim olunan investisiya proqramlarında beynəlxalq standartlara cavab verən mehmanxana xidmətlərinin təşkili, yeni iş yerlərinin açılması və işçilərin sosial təminatının yüksəldilməsi kimi məsələlər öz əksini tapmalıdır.

İddiaçılar dövlət büdcəsinə 4,2 milyon manat vəsait ödəməli və Komitəyə 50 min ədəd dövlət özəlləşdirmə çeki təqdim etməlidir. Xarici sərmayəçilər çeklərin sayına müvafiq dövlət özəlləşdirmə opsionları da verməlidir.

Ərizə və təkliflər iyunun 5-dək qəbul olunur və təkliflər iyunun 8-dən başlayaraq qiymətləndiriləcəkdir.