“AZƏRBAYCAN MİLLİ MƏTBƏXİ” ADLI KİTABIN TƏQDİMAT MƏRASİMİ OLMUŞDUR
Kütləvi tirajla nəşr olunmuş kitabın nəşrindən əsas məqsəd son illər ərzində Azərbaycan xalqının milli mədəni, maddi və mənəvi sərvətlərinə təcavüz edən, xalqımıza məxsus bir sıra milli yeməklərimizi, o cümlədən plovu, dolmanı, basdırmanı, kababı, dovğanı öz adlarına çıxan bədnam ermənilərin Avropa ölkələrində “erməni milli mətbəxi” adı altında təşkil etdikləri yalançı və qondarma tədbirlərə tutarlı cavab verməkdir.
“Azərbaycan milli mətbəxi” kitabı Fransa, Belçika, Almaniya, Hollandiya və digər Avropa ölkələri üçün də həmin dövlətlərin dilində satışa buraxılacaqdır.
Kitabın digər məziyyətlərindən biri də Azərbaycanın turizm ölkəsinə çevrilməsində, milli turizmin inkişafında əhəmiyyətli rol oynmasıdır. Məlum olduğu kimi, hər il ölkəmizə minlərlə xarici turist gəlir. Onların əksəriyyətinin Azərbaycan dövləti, xalqımız, milli mədəniyyətimiz haqqında bilgiləri demək olar ki, çox səthi, yaxud bəzən də yanlış olur. “Azərbaycan milli mətbəxi” kitabı bu sahədəki boşluğun doldurulmasına xidmət edəcəkdir.
Bülənt Gürçam “Azərbaycan milli mətbəxi” kitabının nəşrində göstərdikləri köməyə görə bütün təşkilatlara və ayrı-ayrı şəxslərə öz təşəkkürünü bildirmişdir.
Xatırladaq ki, “Belçika-Azərbaycan Evi” bir diaspor təşkilatı kimi 2000-ci ildə Belçikanın paytaxtı Brüsseldə yaradılmışdır. Təşkilat yarandığı vaxtdan bu günədək Azərbaycan həqiqətlərinin Avropaya və eləcə də dünya ictimaiyyətinə çatdırılmasında çox böyük işlər görmüşdür.
Natiq onu da bildirmişdir ki, “Belçika Azərbaycan Evi” Avropaya inteqrasiya edən, Avropa Şurasının tam hüquqlu üzvü olan Azərbaycanda söz və mətbuat azadlığına, fikir plüarizminə, demokratik cəmiyyətdə ictimai fikrin formalaşmasına, eyni zamanda Azərbaycan həqiqətlərinin Avropa və dünya xalqlarına çatdırılmasına, azərbaycanlı jurnalistlərin Avropa ölkələrindəki həmkarları ilə iş təcrübəsi, peşə hazırlığı və informasiya mübadiləsi sahəsindəki mövcud əlaqələrinin qarşılıqlı surətdə inkişafına yardım etmək məqsədi ilə “Azərbaycan-Avropa Jurnalistlər Assosiasiyası” adlanan yeni bir qurumun yaradılması təşəbbüsünü irəli sürmüşdür. Bu təşkilat yaxın vaxtlarda fəaliyyətə başlayacaqdır.
Bölmənin digər xəbərləri
