AZƏRBAYCAN NƏRƏKİMİLƏRİN OVUNA QOYULMUŞ NORMAYA YENİDƏN BAXILMASI MƏSƏLƏSİNİ QALDIRMAQ NİYYƏTİNDƏDİR

17.10.2006 [21:16]
Çap et
A⁺ A^-

Xəzər dənizinin su bioehtiyatları üzrə komissiyanın noyabr ayında Almatıda keçiriləcək 25-ci iclasında Azərbaycan 2007-ci il üçün nərəkimilərin ovuna qoyulmuş normaya yenidən baxılması məsələsini qaldırmaq niyyətindədir. Ekologiya və Təbii Sərvətlər Nazirliyinin su hövzələrində mühafizə və bioloji ehtiyatların təkrar istehsalı departamentindən AZƏRTAC-ın müxbirinə bildirmişlər ki, 2006-cı ildə nərəkimilərin ovuna Azərbaycan üçün qoyulmuş norma 100 tondan 92 tonadək azaldılmışdır.

Xatırladaq ki, kökü kəsilməkdə olan flora və fauna növlərinin ümumdünya ticarəti Konvensiyasının daimi komitəsinin oktyabrda Cenevrədə keçirilmiş 54-cü iclasında bütün Xəzəryanı dövlətlər üçün qara kürü ixracına əvvəllər qoyulmuş qadağanın qüvvədə saxlanılması barədə qərar qəbul edilmişdir. Bu qadağanın İran İslam Respublikasına şamil edilməməsi bununla izah olunmuşdur ki, yalnız endemik “fars nərəsi” adlanan növün kürüsünün ixracına icazə verilir. Azərbaycan, Rusiya və Qazaxıstanın bu növün dənizin hər yerində və Kür çayında yayılması barədə dəlilləri qəbul olunmamışdır.

AZƏRBAYCAN NƏRƏKİMİLƏRİN OVUNA QOYULMUŞ NORMAYA YENİDƏN BAXILMASI MƏSƏLƏSİNİ QALDIRMAQ NİYYƏTİNDƏDİR

MÜƏLLİFLƏ ƏLAQƏ

Bölmənin digər xəbərləri