Azərbaycan-Polşa münasibətləri müzakirə olunub
Varşava, 6 fevral, AZƏRTAC
Azərbaycanın Polşadakı səfiri Həsən Həsənov Polşa Senatının vitse-marşalı Boqdan Boruseviç və Hüquq komitəsinin sədri Kşıştof Kviatkovski, Senatın marşalı Tomaş Qrodzki və
Seymin vitse-marşalı Rışard Terletski ilə görüşüb.
AZƏRTAC xəbər verir ki, görüşlərdə Azərbaycan Milli Məclisinə fevralın 9-da keçiriləcək seçkilər, habelə iki ölkənin parlamentləri arasındakı əlaqələrin vəziyyəti müzakirə olunub.
Görüşlərdə dövlət başçılarının qarşılıqlı səfərləri və bu səfərlərin uğurlu nəticələri, ölkələrimiz arasında diplomatik əlaqələrin daha da gücləndirilməsi, beynəlxalq münasibətlər, eləcə də yaxın perspektivdə həyata keçiriləcək tədbirlər və qarşılıqlı səfərlər barədə fikir mübadiləsi aparılıb.
Aygün Əliyeva
AZƏRTAC-ın xüsusi müxbiri
Varşava
Bölmənin digər xəbərləri
