Azərbaycan qılıncoynadanı Antalyada keçirilən “Satellite” turnirinin qalibi olub
Bakı, 24 oktyabr, AZƏRTAC
Qılıncoynatmanın sablya növü üzrə milli komandamızın üzvü Valeriya Bolşakova Antalyada keçirilən “Satellite” turnirinin qalibi olub.
Azərbaycan Qılıncoynatma Federasiyasının mətbuat xidmətindən AZƏRTAC-a bildiriblər ki, qrup mərhələsini 4 qələbə ilə başa vuran Valeriya Bolşakova finala gedən yolda Türkiyə, Böyük Britaniya, Sinqapur sablyaçıları və digər təmsilçimiz Palina Kaspiaroviçə qalib gəlib.
Qılıncoynadanımız həlledici görüşdə Qazaxıstan idmançısı Aigerim Sarıbaya 15:11 hesabı ilə məğlub edərək turnirin qızıl medalını qazanıb.
Digər təmsilçilərimizdən Səbinə Kərimova, Zərifə Hüseynova, Sevil Bünyatova və Palina Kaspiaroviç qrup mərhələsini uğurla adlasalar da, ən güclü 8-liyə yüksəlmək uğrunda keçirilən görüşlərdə məğlub olublar.
Bölmənin digər xəbərləri
